ಒಂದೆಡೆ....
ಕೈಲೊಂದು ಪುಟ್ಟ ಗುಲಾಬಿ ಹಿಡಿದು
ಮುದ್ದಾಗಿ ನಗುವ ಮಗು
ಜೊತೆಯಲ್ಲಿ ಕೆಲವರ,
Happy women's day ಎನ್ನುವ wish
ಈ ಒಂದು ದಿನ..
angel,pretty dolls...
ಎಂದೆಲ್ಲಾ ಹೊಗಳುವ message ಗಳು
ನಮಗೊಂದು ದಿನ ಎಂದು ಸಂಭ್ರಮಿಸುವ,ನಗುವ ಹುಡುಗಿಯರು
ಮತ್ತೊಂದೆಡೆ...
ತುತ್ತಿಗೂ ಪರಿತಪಿಸುವ ಹಲವು ಜೀವಗಳು
ಹುಟ್ಟಿಗೂ ಮೊದಲೇ ಸತ್ತ ಹೆಣ್ಣು ಭ್ರೂಣ,
ಸಾಧನೆಯ ಹಾದಿಯಲ್ಲಿ ತೊಡಕಾಗುವ ಕಾಮುಕರು,
ಪ್ರತಿಭಟಿಸಲಾಗದೆ ತಡೆದುಕೊಳ್ಳಲು ಆಗದ ಕಿರುಕುಳಗಳು
ದಯಾಮರಣ ಬೇಡುವಂಥಾ
ಸ್ಥಿತಿಯಲ್ಲಿರುವ ದೈನ್ಯ ಹೆಣ್ಣು,...
ದಿನ ದಿನವೂ ಅತ್ಯಾಚಾರ,acid ಗಳ
ಭಯದಲ್ಲಿ ಮುದುಡುವ ಮುಗ್ಧೆ...
ವಾಂಛೆಗೆ ಬಲಿಯಾದ
ಅದೆಷ್ಟೋ ಜೀವಗಳ ಕಣ್ಣೀರ ನೋಡಲೂ ಪುರುಸೋತ್ತಿಲ್ಲದವರು....
ಈ ಎಲ್ಲದರ ಜೊತೆಗೆ ಅತಿಶಯವೆನಿಸಿದರೂ.....
ಇಂದು ಮಹಿಳಾ ದಿನ!!!!!!
ಮೊಗೆಮೊಗೆದು ಪ್ರೀತಿ ಹಂಚುವವಳಿಗೆ...
ಅಬ್ಬರದ celebration ಬೇಡ...
ಬೊಗಸೆ ಪ್ರೀತಿಯ ಜೊತೆಗೆ...
ಹೆಣ್ಣಾಗಿ ಬದುಕುವ ಹಕ್ಕು ಕೊಡಿ....
