ಮನಸಲ್ಲಿ ಮೂಡುವ ನೂರಾರು ಯೋಚನೆ ಕಲ್ಪನೆ ನೋವು ನಲಿವು ಕನಸು ಮುನಿಸು ಪ್ರೀತಿ...ಎಲ್ಲವನ್ನೂ ಗೀಚುವ ಪುಟ್ಟ ಪ್ರಯತ್ನ...
Sunday, July 25, 2010
ಸ್ನೇಹಿತರು
ಸಂತಸದ ಕ್ಷಣಗಳು ಎಂದೂ ಹೀಗೆ ಇರಲಿ
ಬದುಕ ಬಂಗಾರದ ಪುಟವು ಕೊನೆಗಾಣದಿರಲಿ..
ನಮ್ಮ ನಗುವಿಗೆ ಕೊನೆಯೆಲ್ಲಿ?
ಕಾಣ್ವ ಕನಸುಗಳಿಗೆ ಮಿತಿಯೆಲ್ಲಿ?
ಗುಂಪುಗೂಡಿದರೆ ಸಾಕು ಮತ್ತಷ್ಟು ಕಲರವವು,
ನಮ್ಮ ನಲಿವಿಗೆ ಇಲ್ಲಿ ಬೇಕಿಲ್ಲ ಕಾರಣವು.
ಗಮ್ಯವದು ದೂರವಿರೆ ನಮಗಿಲ್ಲ ಚಿಂತೆ..
ದಾರಿ ಸವೆಸಲು ಇಹುದು ಈ ಗೆಳೆಯರಾ ಸಂತೆ.
'ನಾ ನಡೆಯಲಾರೆ' ಎಂದು ನೊಂದು ನುಡಿದರೆ..
ಬೆಚ್ಚಗಿನ ಸ್ಪರ್ಶವದು ಹೇಳುವುದು 'ನಾ ಇಹೆನಲ್ಲ ಇನ್ನೇನು ತೊಂದರೆ?'
ಕಣ್ಣಲ್ಲೇ ಕವನ ಬರೆವ ಮಾಂತ್ರಿಕರು ನಾವು,
ಸ್ನೇಹದಾ ಕಡಲಿನ ಪುಟಿದೇಳುವ ಅಲೆಗಳು ..
ಆಸರೆಯೇ?ಚಿಲುಮೆಗಳೇ? ಚಿಗುರುಗಳೇ?
ಭರವಸೆಯೇ.....
ನಾವ್ಯಾರು????
ನಾವು "ಸ್ನೇಹಿತರು"...
-ಸೌರಭಾ
Subscribe to:
Post Comments (Atom)
No comments:
Post a Comment