ಮರಳಿನೊಳಗಿನ ಹೆಜ್ಜೆ
ಮರಳಿ ಬಾರದ ಕಡೆಗೆ
ಹೊರಟಿರುವೆ ಜಾಡು ಹುಡುಕಿ
ಮತ್ತೆ ಆ ಅಮೂರ್ತ ಗಮ್ಯದೆಡೆಗೆ
ಬದುಕ ಬಗೆಗಿನ ಬಯಕೆ
ಮರಳ ಮೇಲಿನ ಮರೀಚಿಕೆ
ಮನಸಿನೊಳಗಿನ ಮೋಹ..
ಅದುವೆ ತೀರದ ದಾಹ..
ಅಪ್ಪಳಿಸುತಿದೆ ಅಲ್ಲಿ ನೆನಪಿನಾ ಅಲೆಗಳು
ಅಬ್ಬರದ ಭೋರ್ಗರೆತಕೆ ತತ್ತರಿಪ ಕಿವಿಗಳು
ಆದರೂ ಏಕಿಷ್ಟು ಪ್ರೀತಿ ಆ ಏಕಾಂತದ ನಡಿಗೆ
ಜೊತೆ ಸಿಕ್ಕೀತು ಎಂಬ ಕಲ್ಪನೆಯೆಡೆಗೆ..
.
ಕಾದ ಮರಳಿನಲ್ಲಿ ಪಾದ ಬೇಯುತಿದೆ
ಕಳೆದುಹೋದವರ ಬಗೆಗೆ ಮನಸು ನೋಯುತ್ತಿದೆ
ಆವನಿಯ ಅಂತ್ಯ ಬಂದೀತೆ....
ಮರುಳಾದ ಮನವು ಮರಳು ಸೇರುವವರೆಗೂ
ಮರಳಿ ಬಾರದ ಕಡೆಗೆ ಈ ಪಯಣ...
1 comment:
beautiful !
Post a Comment